Visitt zu London | 2. Dag – um Imperial College London, zu Westminster an an der City
19.11.2026
De Grand-Duc huet den Imperial College London besicht, eng Universitéit, déi fir hir Fuerschung an den Natur- an Ingenieurswëssenschaften, grad ewéi an der Medezin bekannt ass.
© SIP / Frédéric Sierakowski
© SIP / Frédéric Sierakowski
© SIP / Frédéric Sierakowski
A Begleedung vun de Ministere Xavier Bettel a Gilles Roth krut de Grand-Duc verschidde Fuerschungs- an Innovatiounsprojete virgestallt, ënner anerem am Beräich vun der kënschtlecher Intelligenz. Hien huet sech och mat Lëtzebuerger Studente vun der Universitéit ënnerhalen.
© SIP / Frédéric Sierakowski
© SIP / Frédéric Sierakowski
© SIP / Frédéric Sierakowski
Am Kader vun dëser Visitt hunn de Minister Gilles Roth an den Imperial College e Kooperatiounsofkommes fir de Weiderbildungsprogramm „Luxembourg Imperial Growth Horizons for Talent“ (LIGHT) ënnerschriwwen.
De Programm gëtt haaptsächlech zu Lëtzebuerg ugebueden a soll Fachleit aus dem Finanzsecteur hëllefen, hir Kompetenzen a Beräicher wéi kënschtlech Intelligenz an digital Verméigenswäerter auszebauen.
© SIP / Frédéric Sierakowski
Am Mansion House huet de Bronek Masojada, Lord Mayor vun der City vu London, de Grand-Duc an déi zwee Ministere fir e Mëttegiesse mat Vertrieder vun der Londoner Finanzplaz empfaangen.
Am Palais vu Westminster, der leschter Etapp vun dëser Visitt, huet de Grand-Duc de Sir Lindsay Hoyle gesinn, de President vum House of Commons vum brittesche Parlament.
© SIP / Frédéric Sierakowski
© SIP / Frédéric Sierakowski
© SIP / Frédéric Sierakowski
© SIP / Frédéric Sierakowski











