De Grand-Duc um Dag vum Bam zu Schëffleng

Als Héichpunkt vum Evenement huet de Staatschef zesumme mat enger eelerer Persoun an engem jonke Pompjee eng Esp geplanzt. De Minister a Vertrieder vun der Gemeng waren dobäi. De Bam steet fir d’Verbonnenheet tëscht de Generatiounen a fir d’Zukunft vu Schëffleng. Fir d’Erënnerung un dëse Moment fir déi kommend Generatiounen ze erhalen, gouf och eng Zäitkapsel mat enger Foto vun dëser Aktioun gefëllt.

Am Laf vun der Visitt krut de Grand-Duc gewisen, wéi Villercher geschützt ginn a firwat se beréngt ginn. D’Schëfflenger Schmelzaarbechter an de FerroForum hunn ausserdeem gewisen, wéi e Bam aus Zénk gegoss gëtt. Dës Demonstratioun huet un dat industriellt Handwierk erënnert, dat d’Entwécklung vu Schëffleng mat gepräägt huet.