D'Grande-Duchesse Maria Teresa um Paralympic Day 2026

24.10.2026

Dëse Samschdeg war am Rehazenter de « Paralympic Day 2026 » deen am Zeeche vum paralympesche Sport, der Inklusioun an dem Austausch stoung. D'Grand-Duchesse Maria Teresa, déi sech zanter ville Jore fir paralympesch Sportlerinnen a Sportler engagéiert, huet un dësem Event deelgeholl, dat och fir de grousse Public op war.

Am Laf Kader vun dësem Dag konnten d'Visiteuren ënnerschiddlech paralympesch Sportaarten entdecken a selwer ausprobéieren. D'Demonstratiounen an déi ugebueden Aktivitéiten hunn et erméiglecht, d'Erausfuerderungen, mat deenen déi betraffen Athleetinnen an Athleete konfrontéiert sinn, besser ze verstoen a kennenzeléieren. D'Evenement huet och ënnerstrach, wéi wichteg et ass, jidderengem d'Méiglechkeet ze ginn, Sport ze maachen, sief et als Fräizäitaktivitéit oder am Kader vun enger Kompetitioun.

Mat hirer Presenz huet d'Groussherzogin Maria Teresa hir Ënnerstëtzung fir déi paralympesch Sportlerinnen a Sportler an hiren Engagement fir eng méi grouss Visibilitéit vum paralympesche Sport nach eng Kéier confirméiert.