Trounwiessel | Mass mam "Te Deum"

De Grand-Duc an d'Grande-Duchesse hunn dëse Sonnden - zesumme mat hirer Famill - un der Mass mam "Te Deum" deel geholl, déi vu senger Eminenz dem Kardinol Jean-Claude Hollerich zelebréiert gouf.

Mat dëser Zeremonie kommen d'Feierlechkeete ronderëm den Trounwiessel op en Enn. Déi groussherzoglech Koppel ass ganz beréiert vun deem waarmhäerzegen Accueil, deen hinnen déi lescht dräi Deeg bereet gouf.