Actualité
Nationalfeierdag 2023 - Prise d’armes a Militärparad
No der offizieller Zeremonie ass de Groussherzog an d’Groussherzogin, zesumme mam Ierfgroussherzog a mam Prënz Sébastien an d’Avenue de la Liberté komm fir der traditioneller Militärparad vun Nationalfeierdag nozekucken.
Fir Mëtteg hunn de Groussherzog an den Ierfgroussherzog d‘Truppen en Revue passéiere gelooss, déi si mat engem dräifache « Vive » confirméiert hunn. No der Nationalhymn huet d’Parad ugefaange mat der Lëtzebuerger Arméi, suivéiert vun Institutiounen an Associatiounen: d’Lëtzebuerger Police, dem „BENELUX Steering Group“, der Administratioun vun der Douane, der Administratioun vum Prisong, de Pompjeeën (CGDIS), dem Lëtzebuerger Roude Kräiz an der Union Grand-Duc Adolphe.
Am Himmel konnt de Spektakel a Form vun engem Fliger-Ballet observéiert ginn: en Helikopter „Airbus H145M“ vun der Police, en Transportfliger „Airbus A400M“ vu „15 Wing“ vun der Belscher Arméi an en Transport- a Verfleegungsfliger „Airbus A330“ vun de „Multi Role Tanker Transport Unit“.
Am ganzen hu 730 Persounen, 31 Hënn an 51 motoriséiert Maschinnen um Defilé deelgeholl.
