De Grand-Duc Henri an d'Grande-Duchesse Maria Teresa bei enger Konferenz vum Dr. Mukwege

Als international Symbolfigur am Kampf géint sexuell Gewalt géint Fraen, huet den Dr. Mukwege bei dëser Renconter, déi mat der Ënnerstëtzung vun der Madamm Chékéba Hachemi moderéiert gouf, seng laangjäreg Erfarung um Terrain mam Public gedeelt.

Dësen Evenement ass fir d'Grande-Duchesse Maria Teresa vu besonnescher Bedeitung. Mat hirer Associatioun « Stand Speak Rise Up! » ass si ganz staark an dësem Domän engagéiert. Den Dr. Mukwege, Member vun hirem Verwaltungsrot, leescht en aktive Bäitrag zu dëser Initiativ, där hire Fokus dorop läit Iwwerliewender vu sexueller Gewalt weltwäit ze sensibiliséieren, ze mobiliséieren an z'ënnerstëtzen.