D’Grande-Duchesse Stéphanie, Herzogin vun Nassau, gebuer den 18. Februar 1984 zu Renaix (Belsch), ass déi Jéngst vun aacht Kanner vum Grof de Lannoy († 10.01.2019) an der Gräfin de Lannoy, gebuer Alix della Faille de Leverghem († 26.08.2012). Si ass um Familljesëtz vun der Famill zu Anvaing an der belscher Provënz Hainaut opgewuess.

Den 20. Oktober 2012, bestit d'Gräfin Stéphanie de Lannoy sech an der Kathedral Notre-Dame vu Lëtzebuerg mam Ierfgroussherzog Guillaume a gëtt domadder Ierfgroussherzogin vu Lëtzebuerg. Mam Trounwiessel vum Grand-Duc Guillaume, den 3 Oktober 2025, gëtt si Grande-Duchesse.

D'Grande-Duchesse huet hir Primärschoul an der École Sancta Maria zu Renaix an der Belsch gemaach. Hir Sekundarstudien huet si am Collège Sainte-Odile am Norde vu Frankräich ugefaangen, éier si an den Institut de la Vierge Fidèle zu Bréissel gaangen ass, wou si 2002 hiren Ofschlossdiplom krut. Am Alter vun 18 Joer geet si ee Joer op Moskau, wou si Sproochecoursen hëlt a russesch Literaturwëssenschaft studéiert. Si verdéift perfektionéiertan dëser Zäit och hiert Spill op der Gei. Ausser hirer Mammesprooch, Franséisch, schwätzt d’Grande-Duchesse fléissend Lëtzebuergesch, Däitsch an Englesch.

Si huet hiert Germanistikstudium op der Universitéit vu Louvain mat "grande distinction" ofgeschloss. Duerno goung si op d'Humboldt-Universitéit zu Berlin, wou si sech an hirer Diplomaarbecht mam Afloss vun der däitscher Romantik op déi russesch Romantik, um Beispill vum E.T.A. Hoffmann a Puschkin, befaasst huet. Si bleift zu Berlin a mécht e Praktikum bei der wallounescher Investitiouns- an Exportfërderungsagentur a schafft duerno fir eng Investmentgesellschaft.

Vun 2018 bis 2019 ass déi ierfgroussherzoglech Koppel zu London, wou d’Ierfgroussherzogin un enger Formatioun an der Konschtgeschicht am Sotheby's Institute deelhëlt.

D'Grande-Duchesse mécht déi meescht vun hiren Aktivitéiten zesumme mat hirem Mann, wat déi grouss Verbonnenheet bannent der Koppel weist.

Si hëlt un offiziellen Aktivitéite wéi dem Nationalfeierdag, de Neijoerschwënsch oder Staatsvisitten deel.

Bei de ville Wirtschaftsleche Mmissiounen, déi hire Mann als Ierfgroussherzog presidéiert huet a vum Wirtschaftsminister gefouert goufen, ob an Afrika, Asien, den USA oder Europa, war d’Prinzessin Stéphanie dacks u senger Säit. Si begleet och de Grand-Duc zu ville Gedenkfeieren a steet him bei de Missiounen zur Säit, déi hien am Grand-Duché an am Ausland ausféiert.

D'Grande-Duchesse informéiert sech ausserdeem iwwer biologesch Landwirtschaft, wou si sech besonnesch fir verbessert Produktiounsmethoden interesséiert di d‘Ëmwelt manner belaaschten.d'Verbesserunge vun de Produktiounssystemer, fir d'Ëmweltbelaaschtung erofzesetzen, interesséiert Sou mécht si, zesumme mat hirem Mann, reegelméisseg Visitte bei lokale Biobaueren oder hëlt un akadeemesche Sëtzungen zum Theema deel.

Dofir huet si decidéiert, sech dofir anzesetzen, datt d'Konscht an d'Handwierk opgewäert a gefërdert ginn. D'Grande-Duchesse Stéphanie sicht reegelméisseg den Austausch mat Artisten. Si setzt sech och fir d'Promotioun vun der Lëtzebuerger Konscht op der nationaler an internationaler Bün an.

Si mécht sech fir sämtlech Beräicher vun der Konscht staark, sief et klassesch oder zäitgenëssesch Konscht, Molen, Konschthandwierk oder Fotografie.

2016 huet si d'Presidence vum Verwaltungsrot vun der Fondation Musée d'Art Moderne Grand-Duc Jean (MUDAM) ugeholl. Am Joer 2021, nodeem hiert Mandat ausgelaf ass, gëtt si Éierepresidentin, fir och an Zukunft enk mam MUDAM verbonnen ze bleiwen.

Aus Suerg datt den Knowhow am Konschthandwierk an Europa an zu Lëtzebuerg verluer geet, huet d'ierfgroussherzoglech Koppel am Joer 2016 eng Ausstellung organiséiert, déi als Zil hat, de Secteur vum Handwierk zu Lëtzebuerg ze revaloriséieren.

Well déi éischt Ausstellung e grousse Succès war, huet d'Koppel decidéiert, hiert Engagement zu Gonschte vum Konschthandwierk auszebauen duerch d'Grënnung vun der Associatioun "De Mains de Maîtres Luxembourg". Zousätzlech zu enger Biennale zu Lëtzebuerg an der Missioun, d'Handwierker ze ënnerstëtzen, organiséiert d'Associatioun Ausstellungen am Ausland, verdeelt Bourssen, organiséiert Popup-Storen, asw. Zil ass et, fir den aktive Kënschtler an Handwierker an hirem Beräich ze hëllefen, an awer och fir Jonker ze motivéieren, d'Aventure d'Aktivitéit vum Kënschtler an Handwierker mat Courage unzegoen.

D'Grande-Duchesse huet sech vu klengem u fir klassesch Musek interesséiert. Schonn als Kand huet si, mat der Hëllef vun hiren Elteren, Solfège geléiert, gradewéi Piano a Gei ze spillen. Als Jugendlech war si begeeschtert vum Liesen. Hir Kenntnisser vu verschiddene Friemsproochen hunn hir et erméiglecht, klassesch Wierker an hirer Originalsprooch ze entdecken an ze studéieren.

j. Zanter der Gebuert vum Prënz Charles a vum Prënz François spillen d’Kanner an d’Famill am Liewe vun der Grande-Duchesse eng wichteg Roll. Si appréciéiert d’Zäit di se mat hirer Famill verbréngt a wënscht sech, datt hir Jonge mat de Wäerter vu Famill a Respekt opwuessen, déi si mam Grand-Duc deelt.