Kondolenzmessage | Seng Majestéit de Kinnek Harald vun Norwegen

Den Doud vu Senger Majestéit dem Kinnek Harald V vun Norwegen erfëllt d’Grande-Duchesse a mech mat déiwer Trauer. 

Säin Alter an déi grouss Verantwortung, déi hie wärend senge 35 Joer um Troun gedroen huet, schénge keen Afloss op seng aussergewéinlech Kraaft, säi Wëllen a seng Ausdauer gehat ze hunn, déi hie säi ganzt Liewe begleet hunn. Als Weltmeeschter (1987) a spéider Europameeschter (2005) am Seegelen huet hien och un dräi Olympesche Spiller deelgeholl (Tokyo 1964, Mexiko 1968 a München 1972) an ass nach 2022, am Alter vu 85 Joer, bei enger internationaler Regatta ugetrueden.

Bis zu sengem leschten Dag ass hie senger Devise trei bliwwen: „Alles fir Norwegen“. An dësen usprochsvollen Zäite fir déi international Bezéiungen huet hien och weiderhin seng grouss Erfarung am Beräich vun de multilaterale Relatiounen an den Déngscht vum Fridden a vun der internationaler Gemeinschaft gestallt, besonnesch duerch säin Asaz am Kader vun der Iwwerreechung vum Friddensnobelpräis.

D‘Lëtzebuerger Vollek, d'Grande-Duchesse an ech, zesumme mam Grand-Duc Henri an der 
Grande-Duchesse Maria Teresa, drécken Iech, Ärer Famill an allen Norwegerinnen a Norweger eist déifst a ganz häerzlecht Bäileed aus.

Guillaume