Aweiung vum neien “AI Experience Center“ an der LHoFT

De Grand-Duc, zesumme mam Premierminister Luc Frieden an dem Minister Gilles Roth, huet dësen Zenter besicht deen dem Visiteur konkreet duerleet wéi KI am Beräich vun de Finanzservicer kann applizéiert ginn, zum Beispiel fir konform mam reglementaresche Kader ze sinn oder an de Beräicher vum Kampf géint Wäisswäsche vu Suen a KYC, also de Banken hir Obligatioun fir hir Clienten ze kennen an d’Aktivitéiten ze verstoen.

Den Zenter soll hëllefen datt KI am Finanzsecteur genotzt gëtt an dozou bäidroe fir Lëtzebuerg als Standuert nach méi attraktiv ze maachen.

De Staatschef huet d’Initiativ begréisst an dem Projet vill Erfolleg gewënscht deen d’Fäegkeet vu Lëtzebuerg weist, fir an engem villverspriechende Secteur innovativ ze sinn.