D'Grande-Duchesse besicht de Schifermusée

19.10.2026

Um Méindeg huet d'Grande-Duchesse, de Schifermusée zu Maarteleng besicht. De Musée, deen um fréieren Ofbaugebitt opgeriicht gouf, ass haut Zeie vun der méi wéi 200 Joer aler Lëtzebuerger Schiferindustrie.

visite_musee_ardoise-31.jpg

© Maison du Grand-Duc

Beim Besuch vum touristesche Parcours « Johanna » huet d'Grande-Duchesse Erklärungen iwwer dës wichteg Aktivitéit aus der Groussregioun kritt, déi nieft der Stolindustrie, hiren Héichpunkt um Ufank vum 20. Joerhonnert erlieft huet. Un Hand vun enger immersiver Inzenéierung kënnen d'Visiteuren d'Methode vum Schiferofbau, sou wéi den Alldag vun de Biergaarbechter entdecken, déi ënner besonnesch schwéieren Aarbechtsbedéngunge geschafft hunn.

D'Haaptattraktioun vum Parcours läit 42 Meter ënnert dem Buedem, wou een déi beandrockend Ofbaukummeren ka besichen.

visite_musee_ardoise-15.jpg

© Maison du Grand-Duc

visite_musee_ardoise-21.jpg

© Maison du Grand-Duc

Mat engem Besuch vum Atelier vun de Schiferspalter an enger Ausstellung an der Villa Rother iwwert den Alldag vun de Biergaarbechter ass de Parcours op dëser bedeitender Plaz vum Lëtzebuerger Kulturierwen ofgeschloss ginn.

visite_musee_ardoise-44.jpg

© Maison du Grand-Duc

Partager

Share on Facebook (open in new window) Share on X (open in new window) Share via email Copied