Visitt vum Grand-Duc a vun der Grande-Duchesse zu Madrid | Éischten Dag

Am Nomëtteg gouf de Grand-Duc, zesumme mat de Ministeren, am Palais Moncloa vum spuenesche Regierungschef Pedro Sánchez empfaangen. D‘Visitt ass duerno am Palais des Cortès weidergaangen, wou de Staatschef d’Chamberpresidentin, Francina Armengol, souwéi de President vum Senat, Pedro Rollán, begéint huet.

Op dësem éischten Dag vun der Visitt goufen dräi Accorden (MoU) ënnerschriwwen, iwwer géigesäiteg politesch Consultatiounen, souwéi iwwer Zesummenaarbecht an de Beräicher Energie an Weltraum tëschent Lëtzebuerg a Spuenien.

Den Dag goung mat enger Receptioun op en Enn, déi vun der Lëtzebuerger Ambassade zu Madrid organiséiert gouf, a Presenz vun Invitéen aus de Beräicher Wirtschaft a Finanzen.