Éischten Dag vun der Staatsvisitt vum President vu Finnland
29.09.2026
Renconter mam Public an akademesch Sëtzung op der Stater Gemeng
© Maison du Grand-Duc / Kary Barthelmey
Am Ufank vum Nomëtteg waren déi Groussherzoglech Koppel an déi finnesch Presidentekoppel fir eng akademesch Sëtzung an d’Stater Gemeng invitéiert. Um Knuedler sinn déi zwou Koppelen do virdrun op déi vill Leit duergaangen, déi komm waren, fir si ze begréissen.
Op der Stater Gemeng goufen déi zwou Koppele vun der Buergermeeschtesch vun der Stad Lëtzebuerg, Lydie Polfer, a Presenz vum Schäffen- a Gemengerot empfaangen. Wärend der Zeremonie, déi musikalesch vum Conservatoire vun der Stad Lëtzebuerg encadréiert gouf, waren et Usprooche vun der Buergermeeschtesch a vum President Stubb.
© Maison du Grand-Duc / Kary Barthelmey
© Maison du Grand-Duc / Kary Barthelmey
© Maison du Grand-Duc / Kary Barthelmey
© Maison du Grand-Duc / Kary Barthelmey
© Maison du Grand-Duc / Kary Barthelmey
© Maison du Grand-Duc / Kary Barthelmey
Visitt bei den europäeschen Institutiounen
© Maison du Grand-Duc / Kary Barthelmey
De President Stubb war duerno déi Europäesch Investitiounsbank (EIB) besichen, wou hie vun hirer Presidentin, dem Nadia Calviño, empfaange gouf. No engem Gespréich mat hir huet de finnesche Staatschef sech och mat Vertrieder vun der Institutioun ausgetosch.
Dës Etapp hat fir den Alexander Stubb eng besonnesch Bedeitung: vun 2017 bis 2020 war hie Vizepresident a Member vum Direktiounscomité vun der EIB.
De President huet och de Geriichtshaff vun der Europäescher Unioun um Kierchbierg besicht, wou hie vum President, Koen Lenaerts, empfaange gouf. D’Visitt war d’Geleeënheet, fir sech mat verschidde finnesche Riichter souwéi mat finnesche Mataarbechter vun der Institutioun auszetauschen.
Parallel dozou hunn d’Grande-Duchesse an d’Madamm Suzanne Innes-Stubb, begleet vun der Yuriko Backes, Ministesch fir Gläichstellung an Diversitéit, de Centre national pour victimes de violences (CNVV) besicht.
© Maison du Grand-Duc / Kary Barthelmey
© Maison du Grand-Duc / Kary Barthelmey
© Maison du Grand-Duc / Kary Barthelmey
Dës Struktur bitt Affer vu Gewalt ronderëm d’Auer eng zentral Ulafstell, wou hinnen nogelauschtert gëtt, si orientéiert an si hire Besoinen entspriechend begleet ginn. Déi koordinéiert Betreiung baséiert op enger Ënnerstëtzung a véier Beräicher déi komplementar sinn: psychosozial, medezinesch, polizeilech a juristesch.